Masobra tatlo ka gatos na ang nadakpan nga nagbayolar sa health protocols sa syudad sang Koronadal.
Suno kay P/Lt. Col. Joefil Siason, Chief of Police sang Koronadal CPS nga kadam-an sa mga nadakpan ang wala nagasuksok sang facemask kag wala nagasunod sang social distancing.
Samtang ang ginahimo sa mga madakpan suno kay Siason ang ginahold sang apat ka oras sa Koronadal City Police Station kag ginapaidalom sa lecture kon una pa lang nga pagbayolar, apang kon liwat nga madakpan ang pamultahon na base sa ordinansa sang syudad.
May-angot sini, suno sa Chief of Police nga magapadayon ang ila nga pag-aresto sa mga nagabayolar sa health protocols.
Apela niya naman sa mga pumuluyo nga magkooperar kag magsunod sa ginapatuman nga health protocols tungod ang ginahimo nila ang para sa kaayuhan sang tanan agud mapunggan ang paglapta sang COVID-19.
