Ginaaligar nga gun for hire riding in tandem criminal patay sa engkwentro sa PNP, kaupod nakapalagyo.

Patay ang isa ka ginaaligar nga gun for hire motorcycle riding criminal, matapos nga naengkwentro ang PNP personnel sang Sabado sang gab-i, Mayo 8, 2021.
Nagapatigayon sang pagpatrolya ang gintingob nga pwersa sang Koronadal City Intel Operatives kag CDEU, SCPPO PIB kag PDEU, 1201ST kag 1205TH RMFB 12 sang naispatan ang duha ka mga suspek sakay sa Suzuki raider nga motorsiklo sa Macagba Street, Brgy. GPS, Koronadal City.
Base sa report sang Koronadal CPS pagasitahon kuntani nila ang duha, apang nagpalagyo ang mga ini sakay sa ila motorsiklo rason nga ginlagas sang tropa sang Koronadal CPS. Apang gintiro sang backrider ang operatiba nga nagresulta sang engkwentro kag paglab-ot sa Purok Osmeña, Brgy Rotonda, Koronadal City ,alas 7:25 sang gab-i tigayon nga nacorner ang mga suspek nga imbes nga magsurender nagbato pa ang mga ini,rason nga nagdepensa man ang operatiba.
Angot sini, nakaangkon sang igo sang bala sa mga nagkalain-in nga parte sang iya nga lawas ang suspek nga ginkilala kay Lerwin Saddam O. Mapambocol, yara sa legal nga pang-edaron kag residente sang Brgy Saravia.
Gindala pa sa South Cotabato Provincial Hospital ang suspek,apang gindeklarar nga dead on arrival sang attending.
Suno kay P/Lt. Col. Joefil Siason dati nga preso ang suspek tungod sa kaso nga illegal drugs.
Samtang ang wala nakilal- an nga kaupod sini ang tigayon nga nakapalagyo.
Nakuha naman sa posisyon kag kontrol sang napatay nga suspek ang 1 ka cal. 45 pistol nga wala sanf serial number, 1 ka unit sang cal. 45 fired cartridge case, 1 ka unit sang 9mm fired cartridge case, sling bag nga may unod nga 12 ka heat sealed transparent plastic sachets sang ginasuspetsahan nga shabu, may kabug-aton nga more or less 36 grams kag nagakantidad sang P 244,800, assorted identification cards kag motorsiklo.
Sa subong suno kay Lt. Col Siason padayon pa ang ila nga imbestigasyon kon bala konektado ang nasambit nga mga suspek sa serye sang pagpangluthang sa syudad.

Facebook Comments