Ginpanginbulahan ni PNP Regional Director Chief Supt. Cesar Hawthorne Binag ang 521 tanan ka pulis sa Rehiyon 6 nga ginpromote sa ginhiwat nga Mass Oathtaking sa Campo Delgado.
Suno kay Binag, apisar nga pampataas morale ang promotion apang dapat man panumdumon sang kapulisan nga nagataas man ang ila responsibilidad.
Nahibaluan nga sa 521 ka mga bag-o promote nga pulis, 24 diri ang mga Police Commissioned Officers kag 497 naman ang Police Non-Commissioned Officers.
333 lang kuntani ang regular nga quota sang PRO6 para sa promotion subong nga tuig apang sa hingyo ni Binag sa campo crame, nadugangan ini sang 188.
Kadungan sini, ginhangkat man sang opisyal ang mga bag-o promote nga pulis nga mangin komitido sa ila katungdanan bilang katapo sang PNP.(sspunay)
