Nagalab-ot sa masobra 70 thousand ka mga ido ang target nila nga mapaidalom sa rabies vaccination subong nga tuig suno kay Dra. Flora Bigot, Oic Provincial Veterinarian sang South Cotabato.
Ini matapos nga sang nagligad nga tuig yara sa masobra 50 thousand ka mga ido ang ila nga nabakunahan.
Apang ang problema lang nila suno kay Dra. Bigot amo nga indi syento porsyento nga mabakunahan ang tanan nga ido dire sa probinsya tungod sa kakulangan sang ila nga vaccinators, topograpgy sang lugar partikular na sa banwa sang Lake Sebu kag T`boli kag sa gihapon ang suporta sang mga dog owners.
Samtang sa subong suno kay Dra. Bigot padayon ang ila nga pagpaidalom sa training sa mga barangay animal health workers dire sa probinsya nga amo ang magabulig sa ila sa rabies vaccination.
Sa subong yara na sa 105 ka mga volunteer vaccinator ang ila nga ginapaidalom sa training suno kay Dra. Bigot.
