Masobra 800 board feet sang illegal cutlogs nakumpiskar sa Kalamansig, Sultan Kudarat.

20

Nakumpiskar sa ginpatigayon nga enforcement operation sang Community Environment and Natural Resources Office ukon CENRO sa Kalamansig, Sultan Kudarat ang illegal nga mga ginpang-utod nga kahoy.
Suno kay Kalamansig Environment Officer Iskak Dipatuan, nagalab-ot sa 804 board feet sang illegal nga ginpang-utod nga kahoy nga ginalakipan sang Narra, White Lauan, kag Malugai trees ang ila nga nakumpiskar.
Ginpahayag ni Dipatuan nga resulta sang surveillance kag monitoring sang CENRO ang pagkadiskubre nila sang nasambit nga mga iligal nga ginpang-utod nga kahoy sa mga Barangay sang Limulan kag Sta. Cruz.
Sa subong suno kay Dipatuan ginahibalo pa nila kon sin-o ang yara sa likod sang environmental crime.
Ginpahayag naman ni DENR 12 Monitoring and Enforcement Section Chief Forester Alimbsar Sampal nga ang mga nakumpiskar nga hot logs ang yara sa kustodiya sang CENRO Kalamansig para sa safekeeping kag bilang pagsunod sa ila protocol.
Nagpanawagan man si Alimbsar sa publiko nga buligan ang DENR sa ila kampanya batok illegal logging kag iban pa nga destructive environmental activities.

Facebook Comments