Naglab-ot sa 2,022 ka wanted persons ang natigayon nga maaresto sang Police Regional Office 6 sa sulod lamang sang 7 ka bulan subong nga tuig.
Sandig ini sa data sang PRO-6 humalin Enero tubtob Hulyo 31 subong nga tuig.
Sa 2,022 ka wanted persons, 642 ang nadakpan sang Negros PPO, 389 nadakpan sang Iloilo Police Provincial Office, 256 nadakpan sang Bacolod City Police Office, 190 arestado sang Capiz PPO, 172 nadakpan sang ICPO, 149 nadakop sang Aklan PPO, 146 nadakpan sang Antique PPO kag 78 ang nadakpan sang Guimaras Police Provincial Office.
Suno kay PRO-6 spokesperson Supt. Joem Malong, sa pagka-aresto sang masobra duha ka libo nga wanted persons nagresulta ini sa pagnubo sang krimen sa rehiyon.
Sa pagnubo sang krimen mas naga-estable ang kalinong kag katawhay sa Western Visayas.
Komitido ang PRO-6 nga pabaskugon ang tanan nga anti-criminality operations sa bug-os nga rehiyon.
(photo from web)
