Nagalab-ot sa masobra P19.3 million ang ginaduso nga pondo sang Provincial Agriculture Office para sa El Niño mitigation plan sini, matapos nga nalakip ang South Cotabato sa 51 ka mga lugar sa pungsod nga makaeksperyensya sang kawad-on sang ulan sa katapusan sang Abril base sa ulihi nga datos nga ginpaggwa sang PAGASA.
Ini ang magluwas pa sa natuga na nga danyos sang tig-ilinit sa palay kag mais sa probinsya nga nagalab-ot sa masobra P223 million.
Apang ginpaklaro ni Provincial Agriculturist Justina Navarete nga ang nasambit nga pondo ang indi lamang para sa epekto sang El Niño kundi sabat man ini sa epekto sang La Niña, peste kag iban pa nga kalamidad.
May-angot sini, lakip sa ila nga intervention ukon aktibidad ang pagpatigayon sang food for work paghatag sang bugas kambyo sa ikog sang ilaga kag iban pa nga peste, distribution sang hybrid corn seeds, certified palay seeds, assorted vegetable seeds, rodenticides, insecticides, fertilizers, pump and engine set, gravity irrigation kag pagpanghatag sang tilapia fingerlings.
Ipanghatag naman ang pipila ka ayuda sa apektado nga mga mgamangunguma sa tion sang pag-ulan ukon planting season.
