Nagalab-ot sa masobra P3 million livelihood check ang i-release sang Department of Labor and Employment ukon DOLE 12 kadungan sang Mayo 1 Labor Day celebration sa mga natumod sini nga benepisyaryo kapareho sang Brgy. Government Unit sang Bula, General Santos City, Stanfilco Makilala Labor Union kag iban pa.
Makabaton ang BGU –Bula sang masobra P1.1 million kag ang SMLU ang makabaton naman sang P950k.
Samtang, suno kay Dole 12 Regional Director Sisinio Cano nagapadayon sa gihapon ang pagpanghatag sang livelihood assistance sang ahensya nga ang sarang lamang nga himuon ang magkadto sa mga field offices sa lugar kon ano ang proseso sa pag-avail sang nasambit nga programa.
Samtang, magluwas sa jobfair kag pagrelease sang livelihood checks nga aktibidad sang DOLE subong nga Labor Day celebration ipatigayon man ang skills demonstration, pre-employment documentation and processing, business coaching kag madamo nga iban pa upod ang mga nagkalain lain nga partner kag attached agencies sang DOLE.
Ginkumpirmar man ni Dole Regional Director 12 Cano nga nagapabilin nga strike free ang rehiyon bisan nga may-yara sang notice of strike, apang tigayon nga naresolber.
May-angot sini, magapatigayon man sang skills demo kag free services ang Technical Education and Skills Development ukon TESDA 12 kabahin sang ila nga aktibidad subong nga adlaw nga selebrasyon sang 2019 Labor Day.
Suno kay TESDA 12 Regional Director Rafael Abrogar lakip sa ihatag nila nga libre nga serbisyo ang massage, haircut, manicure/pedicure kag bartending kadungan sang Labor Day Trabaho Negosyo, Kabuhayan Job and Business Fairs sang DOLE 12 sa bahin sang KCC Convention and Events Center sa General Santos City.
Samtang ang mangin benepisyaryo naman nila sang nasambit nga serbisyo suno kay RD Abrogar ang tanan nga yara sa nasambit nga venue.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
