Nagalab-ot sa P374K nga kantidad sang ginaaligar shabu ang nakumpiskar sang Philippine Drug Enforcement Agency PDEA 12) upod ang Koronadal City Police Station sa ginpatigayon nga buy–bust operation sa National Highway, Barangay Zone IV, Koronadal City, South Cotabato alas 9:30 sang gab-i sang Mayo 7, 2018.
Naaresto naman ang suspek nga ginkilala kay Ian Delarmente Baysa, high value target, 30-anyos, single, utility worker kag residente sang Purok 19, Bayanihan NHA, Brgy. Fatima, General Santos City, matapos nga magpasugot nga magbaligya sang “shabu” sa poseur buyer, apang ang upod sini nga si Alias “Bords” ang tigayon naman nga nakapalagyo matapos nga masiplatan ang operatiba.
Nakuha sa operasyon kag posisyon sang suspek ang 1 ka heat sealed transparent plastic sachet sang ginapatihan “shabu” nga may kabug-aton nga more or less 50 grams kag may street value nga Three hundred forty thousand pesos (Php 340,000.00) kag more or less 5 grams pa sang“shabu” nga may street value nga Php 34,000.00, 1 ka panid nga aluminum foil kag 1 ka unit sang disposable lighter.
Kaso naman nga pagbayolar sa Section 5, 11 kag 12, Article II sang RA 9165 ukon “The Comprehensive Dangerous Drugs Act of 2002” ang ipasaka batok sa suspek.
