Masobra P4.5 million natuga nga danyos sang sunog sa slaughter house sang Biotech Farm sa Banga, South Cotabato.

26

Nagalab-ot sa masobra P4.5 million ang danyos sang nagluntad nga sunog sa slaughter house sang Biotech Farm sa Brgy. San Vicente Banga, South Cotabato, alas 9:20 kagab-i,Hulyo 20, 2021.
Suno kay Banga BFP Acting Fire Marshall Fire Inspector Russel Basuel, base sa inisyal nila nga imbestigasyon tungod sa nag-overload nga supply sang kuryenti ang rason sang sunog sa nasambit nga pasilidad.
Ginkumpirmar ni Basuel nga partially damage ang slaughter house sang kumpanya tungod natinguhaan nila nga mapatay ang kalayo.
Ginpasalamatan naman ni Fire Marshall Basuel ang mga volunteer fire brigade sang pribado nga sektor kag Bureau of Fire Surallah, Sto. Niño kag Koronadal City nga nagbulig sa ila sa pagpatay sang kalayo.

Facebook Comments