Nagalab-ot sa masobra P400, 000. 00 nga kantidad sang marijuana ang nakumpiskar sang Philippine Drug Enforcement Agency ukon Pdea 12 sa ginpatigayon nga operasyon sa Purok 4, Brgy. Sumalili, Arakan, Cotabato alas 6:00 sang aga kahapon nga adlaw.
Ginkilala naman ni Pdea 12 Regional Director Gil Cesario Castro ang suspek kay Jerome Sofia Tolusan, 25 –anyos, may asawa kag residente sang nasambit nga lugar.
Nakuha sa operasyon ang more or less 2,000 uprooted hills sang fully grown marijuana plants nga nagakantidad sang P400,000.00 kag more or less 100 marijuana seedlings nga nagakantidad naman sa P5,000.00.
Samtang ang mga nakuha nga puno sang marijuana kag seedlings ang gilayon naman nga ginsunog sa lugar.
Kaso naman sa Section 16 sang Article II of Republic Act 9165 or the Comprehensive Dangerous Drugs Act of 2002 ang ipasaka batok sa suspek.
Suno naman kay Pdea 12 Regional Director Castro magapadayon ang ila nga pagpatigayon sang anti–illegal drug operations agud nga tapnaun ang mga durugista nga nagaguba sa kabuhi sang mga pumuluyo ilabi na sang mga kabataan.
*photo by: Pdea 12*
