Naglab-ot sa 301 recovered loose firearms kag ginsurender nga mga klase-klase nga armas ang ginturn- over sang apat ka police provincial kag city headquarters kay P/B/Gen. Michael John Dubria sa ginpatigayon nga ceremonial turn- over kahapon.
Sa Sultan Kudarat 33 ka mga armas ang ginturn -over, South Cotabato 76, Cotabato, 157, Sarangani 19 kag Heneral Santos nga may 16.
Ginkalipay naman sang opisyal ang ginahimo nga tikang sang tagsa ka City kag Provincial Director para matapna na ang terorismo sa rehiyon.
Madumduman nga sa probinsya sang South Cotabato masobra 200 na ang nagsurender nga miyembro sang rebelde sa diin nakabaton na sang inisyal nga livelihood assistance kag ang iban nakabenepisyo na sa idalom sang Enhanced Community Local Integration Program ukon E-Clip.
Ang pagsurender sang ginaaligar miyembro sang Communist Terrorist Group ukon CTG ang kabahin sang Executive order number 70 ukon End Local Communist Armed Conflict ukon ELCAC.
