Nagalab-ot sa masobra 6,800 local kag overseas ang job vacancies nga sarang aplayan sang mga jobeekers sa ipatigayon nga Labor Day Trabaho Negosyo, Kabuhayan Job and Business Fairs sang Department of Labor and Employment ukon DOLE 12 sa Mayo 1 subong nga tuig sa bahin sang KCC Convention and Events Center sa bahin sang General Santos City.
Sa nasambit nga numero sang job vacancies yara sa 3,309 ang lokal kag 3,500 naman ang sa overseas.
Subong nga tuig suno kay DOLE 12 Regional Director Sisinio Cano ginpatuman sang ahensya ang quick response code ukon QR code para sa online pre-registration agud nga malikawan ang malaba ng pila sa registration period sang mga aplikante.
Ginpahayag man ni Director Cano nga subong nga tuig wala sila nagset kon pila ka porsyento ang mahired on the spot sa ipatigayon nga jobfair sa Mayo 1.
Advice naman sini sa mga aplikante nga mangin handa, confident kag kumpleto ang dala nga mga dokumento sa nasambit nga jobfair.
