Masonry member giluba sa bata

Davao City – Paspas nadakpan sa kapulisan sa Sasa sa gihimo’ng follow-up operation ang menor-de-edad kinsa suspek sa pagpangluba sa masonry member kagahapon’g adlawa.

Alayon ani, gikustodiya na sa Women and Children Desk sa Presinto 4 ang minor nga si alyas Dodong, 17 anyos, ug nagpuyo sa Purok 8 sa na-asoy nga barangay.

Nasuta nga gikaaway sa menor-de-edad ang biktima nga si Eduardo Flores, 31 anyos, sakop sa mason, ug nagpuyo sa susamang dapit.


Nabalot sa kasuko ang suspek mao gibaharan niini ang biktima nga laslasan og tilaok diin pila ka minuto miagi gikan sa pagbiya mibalik si alyas Dodong nga nagdala na og kutsilyo ug dayon luba kang Flores.

Naka-angkon og tulo ka samad-dinunggaban ang biktima partikular sa ubos nga bahin sa lawas ug dali kini gidala sa Southern Philippines Medical Center (SPMC) aron matambalan.

Nasayran nga gikan sa inum ang biktima uban sa mga higala dihang nahitabo ang krimen sa dapit.

Usa ka Dennis Pedroso kinsa nasaksi sa panghitabo ang daling nakapangayo og tabang ni SPO1 Lorenzo Ohidor Jr. kinsa nagpatrolya sa Davao Internatonal Airport hinungdan nga nadakpan ra dayon ang suspek.

Ang suspek gikunsidara nga Children in Conflict with Law (CICL).

RadyoMaN Joel Viray

Facebook Comments