Porcausa del mas ta agrava efecto del avenida y aguasero na ciudad el deferentes barangay oficiales ya decidi ya para manda evacua fursaomente con el mga vivientes diila que ta queda na mga canto del rio.
Primero ya manda evacua enantes madrogada con el mga vivientes de San Roque que ta queda na canto del Bog Lake na vicinidad del Villa Margarita porcausa cay ta continua subi el agua na pantano.
Segundo ya responde mga oficiales del Barangay Tugbungan que donde ya dale insiguidas aviso con diila mga constituentes causa cay ta continua subi el agua na rio entero dia.
Siguiente a conduci evacuaccion el Barangay Tumaga, Villa Sta. Maria, y San Jose Gusu que donde ya subi tambien el agua na diila respective mga rio.
Ta continua dale aviso el govierno local con el mga oficiales del barangay para decidi de fronto manda evacua con el diila mga vivientes si ta mira sila delicao el estado de estos porcausa del efecto del siguiditos avenida*.– Bhong Simbajon/RMN News*
