Davao City – Subling nagpahimangno si Davao City Mayor Sara Duterte-Carpio sa mga opisina labi na kadtong gipanag-iyahan sa gobyerno nga mamahimo kining masirado kung pakyas nga mapatuman ang minimum public health standards batok Coronavirus Disease 2019 (COVID-19).
Matud sa mayor (sa interbyu sa city-owned radio) nga kinahanglang adunay sistema o pamaagi ang mga opisina paunsa nga mapadayon ang ilang paghatag og serbisyo ug malikayan ang mass gathering.
“Gina bilin nato sa mga National Government Agencies (NGAs) and ang pagbuhat og sistema paunsa dili mag mass gathering ang mga tao when they rollout their service. We will not hesitate to close them down kung makita nato nga mao pa ni ang hinungdan nga activities nga dunay mass gathering sa mga tao,” segun sa alkalde.
Gipahinumdom ni Duterte-Carpio nga aduna gihapoy mga essential government activities nga gikonsiderang essential apan gi-postpone una ang ilang aktibidad aron kalikayan ang pagsutoy sa kaso sa COVID-19 tungod sa posibleng dagsa sa tawo kun mass gathering.
“Ang essential government activities that are considered essential but posponed until Agust 31 (2021) is kining mga examination, registration sa COMELEC, registration sa National ID. Essential ‘ni siya nga gi-hold nato while ongoing ang surge nato last time. Wala pa ‘ni siyay extension sa pagkakaron,” butyag ni Mayor Sara.
RadyoMaN Kirby Manzon
