Gin-istoryahan sang Local Housing Board sang LGU-Lambayong kag Department of Human Settlements and Urban Development (DHSUD) 12 Regional Director Jennifer Bretaña ang angot sa Mass Housing Project sang local government unit sang Lambayong.
Sa ginpatigayon nga pagsinapol ginkalipay ni Director Bretaña nga may-yara sang ginbuo nga Local Housing Board ang Lambayong.
Suno kay Mayor Andy Agduma, ginalauman nga sa madasig nga panahon maumpisahan na ang pagpatukod sang mga balay sa nasambit nga Mass Housing Project sang Lambayong sa bahin sang Brgy. Bilumin, matapos nga personal nga makit-an kag aprobahan ni Director Bretaña ang model house and lot sang nasambit nga proyekto.
Katuyuan suno pa sang nasambit nga proyekto nga mahatagan sang tion ang mga pumuluyo sang Lambayong ilabi na ang mga pigado nga residente nga makaangkon sang barato kag disente nga puluy-an.
