General Santos City–Gikwestion karon ni Atty. Vic-Vic Garcia ang gikaingong National Chairman sa PDP Laban ang nahitabong Mass Oath Taking sa mga bag-ong myembro sa nasangpit nga partido niadtong milabay nga Sabado sa Sarangani Province Capitol nga gipangunahan ni Sendaor Manny Pacquiao.
Sumala pa ni Atty. Vic-vic nga dili lihitimo nga myembro sa PDP Laban ang mga nag Take Oath niadtong milabay nga Sabado gumikan wala matud pa nagapahigayon ug mass oath taking ang ilang partido.
Gihingusgan usab ni Atty. Garcia isip myembro sa PDP Laban ug National Chairman sa maong partido, wala nila ginaila ang gihimong aktibidad niadtong adlaw nga Sabado..
Klaro matud pa kini nga pa pangilad tungod kay wala matud pa kini pag tugot gikan kang Presidente Duterte diin basi sa nakalatid sa imbitasyon nga si Presidente Duterte ug si Senador Coco Pimentel ang manguna sa maong pag hural apan wala ang presensya sa mga nasangpit .
Gipasabot niini nga taas nga oras ang gikinahanglan aron nga makasulod sa partidong PDP Laban ug daghan pang gikinahanglan nga masabtan sa mga buot magpamyembro ayha sila madawat sukwahi sa gibuhat niadtong Sabado nga tunga lang sa adlaw adunay gihimong orientation ug gilayung naka hural ang mga nasangpit.
Pwede matud pa kining pamaagi sa mga oportunista nga mga politiko nga musulod lang sa partido sa pagtuo nga adunay budget nga ihatag o e-indorso ni Presidente Duterte. (Dave Silagan)
