Andam na ugmang adlawa ang mass oathtaking alang sa mga politiko ug mga opisyal sa barangay sa lalawigan sa Sugbu nga manumpa ngadto sa Partido-Demokratiko Pilipino – Lakas ng Bayan o PDP-Laban sa Plaza Independencia sa dakbayan sa Sugbu.
Ang provincial president sa PDP-Laban Cebu Chapter nga si Nixon “Jojo” Dizon nibutyag nga dili maapil sa pagpanumpa ang mga politiko nga anaa sa “narcolist” ni Presidente Rodrigo Duterte .
Lakip sa gilambigit sa ilegal nga drugas dinhi sa Sugbu mao si kanhi Mayoir Michael Rama, Ronda Mayor Mariano Blanco ug Daanbantayan Mayor Vicente Loot.
Si House Speaker Pantaleon Alvarez ug ubang mga opisyal sa PDP-Laban gikan sa kaulohan maoy mangu sa mass oathtaking ugmang adlawa.
Gibana-bana nga moabot sa 50,000 ka politiko, kaalyado nga mga barangay officials ug mga supporters gikan sa lain laing mga partido sa Sugbu ang gipaabot nga moapil sa mass oathtaking.
