Davao City – Gikatakdang ilusad sa City Health Office (CHO) og massive anti-polio immunization nunot sa week-long Nationwide Outbreak Response Immunization Campaign sugod Oktubre 14, 2019.
Gi-awhag ni CHO head Dr. Josephine Villafuerte ang mga ginikanan nga dalaon ang ilang mga anak sa pinakaduol nga health centers alang sa immunization betook poliomyelitis, kinsa usab nagkanayon nga walay laing pamaagi aron malikayan ang maong sakit apan pinaagi lamang sa immunization.
Segun ni Villafuerte nga nagaprepara na karon ang syudad alang sa October 14 massive immunization drive diin target niini ang 100 percent coverage alang sa mga batang nag edad og 5-anyos pababa kansang mudawat sa Oral Polio Vaccine (OPV) or Inactivated Polio Vaccine (IPV).
Gipaniguro niini nga lokupon sa CHO teams ang tanang area sa Davao aron makab-ot ang 100-percent immunization coverage panahon sa week-long campaign.
Saysay sa labaw sa CHO nga mu-establisar usab sila og immunization points duol sa mga naka-gate nga subdivisions aron awhagon ang mga residente nga ma-immunize ang ilang mga anak.
“We will even conduct a house to house campaign to ensure that every child will be immunized to prevent the polio virus from affecting them,” matud niini.
Gawas sa immunization, gipahimangnoan ni Villafuerte ang mga residente nga imentinir ang proper hygiene, luto-on og tarong ang pagkaon, likayan nga maligo sa kasapaan ug ubang pampublikong ligoanan, tarongon sa paghugas ang kamot, ug sigurohon nga dunay kaugalingong CR sa panimalay.
RadyoMaN Jason Amisola
