Dinas, Zamboanga del Sur – Biking ang ilang lain-laing matang sa gamit sa illegal nga pagpanagat nitahan ang dul-an 30 ka mananagat sa lungsod sa Dinas niining probinsya sa Zamboanga del Sur.
Gia-tubang sa mga opesyal sa lungsod ang mga nisurender nga mananagat og gipakigpulong nila ni Dinas Mayor Eleazar Asoy ug Zamboanga del Sur Provincial Boardmember Juan Regala sa Municipal Hall Mismo sa Dinas.
Ang 29 ka mga mananagat nga boluntaryong nitahan sa Local Government nagdala sa ilang daghanang matang sa pukot nga gidili sa balaod.
Human sa pipila ka oras nga pagsabot-sabot gipapauli ra usab ang mga nanagat apan gibilin sa munisipyo ang mga gamit nga ilang gitahan kay nisaad man ang LGU – Dinas nga mogahin sila og pundo aron mahatagan sa assistance ang mga nihural nga mananagat.
Photo Credit to Keep the Faith
