Nagapadayon ang masterlisting sa mga indibidwal nga nalakip sa A4 category para sa natalana nga vaccination, suno kay Regional Health Education and Promotion Officer Arjohn Gangoso sang Department of Health 12.
Suno kay Gangoso ang mga nagaobra sa private household sarang nga magpalista sa barangay kag sa mga nagatrabaho sa mga private ukon public agencies kag organisasyon ang kumpanya suno pa ang magahimo sang masterlisting.
May-angot sini, iya ginaawhag ang mga indibidwal nga yara sa A4 category nga magpalista na tungod wala sang walk-in nga akumudaron sa nasambit nga vaccination program.
Samtang base sa ila nga datos sang Hunyo 9, suno kay Gangoso yara na sa 107,711 ka mga indibidwal ang nabakunahan sa diin 93 porysento ang nahatagan na sang first dose sa target nga 464, 808 indibidwal nga yara sa category A1 tubtob A3.
Samtang sa nasambit nga numero yara naman sa 55,276 ukon 51 porsyento ang fully vaccinated na nga A1 tubtob A3.
