Masubra katunga sang income sang mga drayber nadula sa ila pagbalik biyahe

60 porsyento sang income sang mga drivers nga miembro sang Sentrong Samahan ng Tsuper at Operators ng Negros (Sstone) ang nadula sa ila pagbalik-byahe, Lunes nga adlaw sa ciudad sang Bacolod.

Ini ang ginpahayag ni Jessie Ortega, secretary-general sang SSTONE, bangud man sang ginapatuman nga minimum health standards sa mga public utility jeeneys (PUJs) partikular na ang pagbuhin sang carrying capacity sang pasahero.

Gin-confirm man ni Ortega nga madamo sang ila mga units ang wala nakabyahe kahapon bangud nga wala pa nakakumpleto sa paghimo sang mga partisyon sa ila units agud mapasiguro ang physical distancing sa mga pasahero.


Sa pagnubo sang income sang mga drivers bangud sang pagbuhin sang carrying capacity sang mga units, nagalaom si Ortega nga aprubahan sang Land Transportation Franchising and Regulatory Board (LTRFB) Region 6, ang P11 nga regular nga pletehan sa una nga 4 kilometers kag dugang nga P1.50 sa succeeding kilometers kaangay sa Region 7.

Apang nakalab-ot na kay Ortega ang ginhambalan ni Coucilor Dindo Ramos, chairman sang committee on transportation sa Sangguniang Panlungsod sa Bacolod kag LTFRB Region 6 Director Richard Osmena nga P9 lang sa una nga 4 kilometers kag dugang nga P1.50 sa succeeding kilometers ang plano nila nga aprubahan bilang bag-o nga pletehan sa Bacolod.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments