Traffic enforcers kag mga terminal dapat may koordinasyon

15

Nasaksihan mismo ni Negros Occidental Police Provincial Office (NOPPO) Director Police Colonel Romeo Baleros ang pagginutok sang mga pasahero sa mga bus terminals sa pagbalik na sang byahe kahapon nga adlaw sa bug-os nga probinsiya.

Sa interview sang DYHB ginpahayag ni Baleros nga naglibot siya kahapon sa banwa sang La Castellana kag ciudad sang Bago, kag iya nakita nga wala gid nag-obserbar ang mga pasahero sang physical distancing measures batok sa paglapta sang coronavirus disease.


Bangud sini, luyag ni Baleros nga mag-coordinate ang traffic enforcers sang tanan nga local government units sa Negros Occidental kag supervisor sang mga terminal agud mapatuman ang physical distancing sa mga pasahero, sa bulig kag supervision sang kapulisan.

Indi na luyag ni Baleros nga maglab-ot pa sila sa punto nga mangdakop na sila sang mga nagabayolar sa social distancing measures bangud indi na nila kuntani obligasyon ang pagpanaway.

Suno sa iya, responsibilidad na sang tagsa ka indibidwal ang physical distancing lakip na ang pagsuksok sang face masks.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments