Arestado ang high-ranking member sang communist terrorist group (CTG) sang gintingob nga pwersa sang Armed Forces of the Philippines kag Philippine National Police sa Brgy. Poblacion, Polomolok, South Cotabato.
Ginkilala ni Brig. Gen. Roy Galido, commander sang 601st Infantry Brigade ang suspek kay Pamela Guides Peñaranda alias Melai/Yani, secretary sang Davao City Urban Committee.
Dugang pa nga si Peñaranda ang may warrant of arrest sa kaso nga murder nga gin-isyu ni Hon. Sharon Saracin presiding judge sang Regional Trial Court Branch 11, Tagum City.
Ginkumpirmar ni Galido nga ang suspek ang finance secretary man sang Regional City kag Town Committee sa idalom sang Southern Mindanao Regional Committee sang CTG.
Pahayag ni Brig. Gen. Galido nga ang pagkaaresto sang CTG members ang kabahin sang adbokasiya sang Regional Task Force to End Local Communist Armed Conflict sang Region-12 (RTF-ELCAC 12) sa idalom sang Peace, Law Enforcement and Development Support (PLEDS) Cluster.
