Davao City-Suliran sa gidiling droga sa nasod usa na ka social problem nga kinahanglang magtinabangay ang matag usa sa pagsolbad niini.
Matud ni kani professor sa Ateneo de Davao University Randy Ponteras, kung mahimo dili moabot sa punto nga dunay kinabuhi nga makalas sa pagpakgang niini. Matud niya dunay ubang paagi aron malikayan ang pakiglambigit sa gidiling droga.
Usa sa gisuyot ni Ponteras kabahin sa kampanya kontra droga kay ang tokhang miabot na sa pinusilay sama sa nahitabo sa kaso ni Kian Loyd delos Santos sa Caloocan City, sa bahin sa police kinahanglan seguro nga ipailawom sa retraining aron malikayan pagkakalas sa kinabuhi aron i-promote ang usa ka police.
Samtang nanawagan usab si Ponteras sa mga Barangay Officials nga maningkamot sila sa ilang matag Barangay nga dili mosangko sa pinusilay ang kampanya batok droga, pinaagi sa pagpahigayon sa pagpasabot aron moundang ug counselling pinaagi sa mga leader sa simbahan ug uban pang religious group.
Samtang gihagit usab sa professor, ang mga nagpatuman sa kampanya batok droga nga hingusgan usab nila ang paggukod sa giingong 40 porsento sa mga Barangay Officials nalambigit sa droga aron usab malimpyohan ang Barangay.
Kasamang Bernard Pantallon
