Roxas City, Capiz- Mabaskog nga ginpanindogan ni Vice Mayor Nonoy Erwin Sicad nga nagakadto sa insakto ang pondo nga nakapain para sa ‘Matahom ang Matinlo Program” sa idalom sang iya talatapan.
Suno pa diri nga ang amo nga programa ang ginhatag sa iya mismo ni Roxas City Mayor Alan Celino kon sa diin nagapadulong siya kag ang grupo sang mga street sweeper sa mga kabarangayan sa syudad sang Roxas nga iya makit an nga nagakinahanglan sang assistance sa ila problema sa basura.
Ini ang ginpahayag ni Sicad matapos ang pagkwestyon ni City Councilor Atty. Powell del Rosario sang pag-eksister sang 15 tanan ka mga street sweeper nga nagbataon na sang P350,000 pesos nga pangkabilogan nga suweldo humalin sang bulan sang Enero sa idalom sang amo nga programa.
Samtang kadungan sini, nagpabutyag man sang kalain sang buot si Sicad matapos nga suno sa iya yara man lang ini mismo sa City Hall kag kuntani una anay siya nga ginpalapitan ni del Rosario kon may yara gid man ini sang ginakuwestyon sa mga transaksyon sa iya talatapan matapos ini ang nagpungko bilang acting vice mayor.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
