Matapang na pananalita ni Pangulong Duterte laban sa pag-angkin ng China sa ating teritoryo, mainam na maibalik

672

Umaasa si Senator Manny Pacquiao na muli niyang maririnig ang matapang na mga mensahe ni Pangulong Rodrigo Duterte laban sa pag-angkin ng China sa ating teritoryo.

Inihalimbawa ni Pacquiao ang pahayag ni Pangulong Duterte noong panahon ng kampanya na mag-je-jetski ito patungong West Philippine Sea (WPS) para itayo ang watawat ng Pilipinas.

Sabi ni Pacquiao, hindi naman kailangang literal na mag-jetski patungong West Philippine Sea ang Pangulo, ang kailangan lang ay igiit nito na respetuhin ng China ang ating mga karapatan at igalang ang pagmamay-ari natin sa West Philippine Sea.


Ayon kay Paquiao, ngayon kasi ay nakakapanghina ang mga pahayag ng Pangulo Duterte na hindi kayang makipag-gyera ng Pilipinas sa China na ating kaibigan at pinagkakautangan ng COVID-19 vaccine.

Paliwanag ni Pacquiao, kapag nagiging malambot ang salita ng Pangulo ay nawawalan din ng lakas ng loob ang sambayanang Pilipino.

Facebook Comments