Matapos ang 10 ka tuig nga paghipos, 18 anyos nga dalagita nagreklamo ginakonsumo sang iya mismo Tatay

NEGROS OCCIDENTAL – Nagpalagyo ang isa ka amay nga gina-allege nag-konsumo sang iya kaugalingon nga bata matapos ini ginpasakaan na sang kaso nga rape sa isa ka bahin diri sa probinsya sang Negros Occidental.

Suno sa 18-anyos nga biktima nga nagsugod ang sapat-sapaton nga ginahimo sang iya amay nga pag-molestiya sa iya sang ini ang naga edad pa lamang sang 8 ka tuig.

Ang biktima kag ang iya 7 ka iban pa nga mga utod ang naga istar sa isa ka banwa sa Southern Negros kag ang ila amay nga suspek ang naga obra bilang construction worker sa lain man nga lugar sa probinsya.


Masami ang biktima ginapatawag sang iya amay agud nga amo ang magkuha sang ila allowance kag diri nagakatabo ang pag-molestiya sang suspek sa iya bata.

Pahayag sang biktima nga ang katapusan nga paghimulos sa iya sang iya amay natabo sadtong March 10 sini nga tuig kon diin ginpakadto ini sang iya amay sa iya ulubrahon agud magkuha kuntani sang ila allowance.

Apang may mga las 8 sang gab-i sa amo nga adlaw, ginsugo ini sang iya amay nga magsag-ub sang tubig kay para iya ipaligo kag agud nga magpanglaba man sila nga duha.

Sa pag-abot sang bata sa banyo, iya nakita nga gintabunan sang amay ang buho sa palaliguan sang ila quarter kag didto natabo ang paglugos sa iya.

Nahibaluan nga sadto pa ginsugid na sang biktima sa ila iloy nga ini siya ang ginhimuslan sang ila tatay apang wala ini ginapatihan.

Gani sang naka kita sang kahigayunan kag sang may nagbulig sa bata natigayon nga mapasaka ang kaso batuk sa iya amay sadtong March 22, 2019.

Apang, gina-allege nga ginbuligan sang iya himata ang suspek rason nga ini ang nakapalagyo kag indi na karon makita./DYHB BACOLOD

Facebook Comments