![YAYA-MATILDE.jpg](https://i0.wp.com/rmn.ph/wp-content/uploads/2019/06/YAYA-MATILDE.jpg?resize=696%2C418&ssl=1)
SYUDAD sang Iloilo – Tuman ang kalipay nga nabatyagan ni Matilde Palmes, 57 anyos sang Sablogon Passi City matapos liwat sila nagkitaay sang bata nga iya sadto nabantayan sa Hongkong paagi sa video call matapos ang 30 ka tuig.
“Nalipay gid ako Sir kag nalipay man to ang alaga ko [laughs]. Kagapon nagakadlaw-kadlaw gid sang nakita ya bala ako haw. Kagapon Sir nagvideo call du kanakon. Hambal na kanakon amazing! Dugay-dugay kuno don amo na nga nag-kitaay pa kami sa video call,” ang pahayag ni Matilde sa interview sang RMN Iloilo.
Sa interview sang Rmn Iloilo kay Matilde, iya ginsaysay nga nagbiya ini sa mga amo sadto sang nagpakasal na siya kag nagmigrate man ang iya amo sa Canada.
Sa amo nga tion, naga edad si Matilde sang 26 anyos kag 8 ka tuig pa lang ang bata nga lalaki nga iya nabantayan.
Bisan sa Canada na ang iya employer kag ari na siya sa Pilipinas, padayon nga nagapadala sa iya sang sulat ang iya alaga nga nagapang edaron na sang 11 anyos sadto.
Suno kay Matilde, palangga siya sang amo bangod ginpalangga man niya ini kag gin-alagaan sang husto.
“Siguro palangga na gid ako karan Sir mo. Basta nami ka mag-alaga sa mga alaga mo, nami ka mag atipan sa ila. Palangga gin na nila ikaw. Parehos bala sa bata mo.”
Nahibaluan, nangin liyabe sa pagkitaay ni yaya Matilde kag alaga sini ang isa man ka OFW nga si Belle nga amo ang nagsuggest sa iya amo nga pangitaon si Matilde paagi sa Facebook.
Suno Kay Belle, madugay na nga ginapangita sang amo ang Yaya nga si Matilde. Ginsuhestyon ni Belle sa amo sini nga i-post sa social media site nga Facebook ang litrato ni Matilde agud madasig nga nga Makita. Nagligad ang pila ka oras, nakita sang hinablos ni Yaya Matilde ang post ni Belle. Didto na nagsugod ang komunikasyon sang duha.
Nahibaluan, walo (8) ka tuig nga nagtrabaho si Matilde sa iya amo sadto sa Hongkong.
Panugyan naman ni Matilde sa mga OFW, palanggaon ang mga alaga kag mangin mapisan sa trabaho.
“Sa mga OFW, kinahanglan honest gid kita kag palanggaon ta alaga ta kag atipanon gid te mayad. Kag pisan gid kag mapinalanggaon.”
Photo from web// CTTO