BACOLOD CITY – Detained karon sa Police Station 10 ang isa ka bana matapos niya ginbuno kag napatay ang iya live-in partner pasado las 10 kagab-I sa Bangga Totong, Brgy. Felisa diri sa ciudad sang Bacolod.
Ginkilala ang suspek nga si Jobert Torno, 27 anyos kag ang biktima nga si Charlene Moya, 24 anyos. Ini sila ang may tatlo tanan ka mga kabataan nga naga-edad, tatlo, duha kag isa ka tuig.
Base sa pagpangusisa sang police, pasado las dies kagab-i sang ginsugat sang biktima ang iya bana sa ilimnan nga amo naman ang gintunaan sang ila nga pag-away.
Gin-ako sang suspek nga nagdulum ang iya panan-awan kag na-impito matapos ini siya ang ginbuyayaw kag ginlampusan pa sang kahoy sang iya asawa gani iya gin-agaw ang kahoy kag ginbuno ang biktima.
Kaso nga murder ang ginahanda na sang Police Station 10 kontra kay Torno. /dyHB BACOLOD
