Malinong kag matawhay sa kabilugan ang pagsaulog sang Dinagyang Festival 2019.
Ini ang over-all assessment sang Iloilo City Police OPffice sa bag-o lang natapos nga Dinagyang sa siyudad sang Iloilo.
Ginpahayag ni ICPO Spokesperson Police Sr. Inspector Sheila Mae Sangrines nga apisar nga madamo sang challenges nga naatubang sang mga pulis sa pagpaluntad sang kalinong kag katawhay apang nangin madinalag-on ang ila ginpatuman nga security measures.
Ginhinambit ni Sangrines ang nagkalain-lain nga ground commanders nga maayo ang pagdumala sa ila mga tawo kabangdanan nangin epektibo ang ila ginpatuman nga seguridad.
Suno kay Sangrines nga wala sang natabu nga dalagku nga insidente nga related sa DInagyang kabangdanan malinong kag matawhay sa kabug-usan ang nasambit nga kahiwatan.
