Davao City – Nagpasidaan ang kapulisan sa Mawab, Davao de Oro sa mga motorista nga mag-igmat, mag-amping kanunay sa biyahe ug sundon ang mga signages sa kadalanan human sa natalang sunod-sunod nga road crash sa lugar, human sa upat (4) ka mga sakyanan ang naaksidente kagahapong adlawa (November 25, 2021) sa Kilometer 67, National Highway, Barangay Tuboran, Mawab, Davao de Oro.
Sa report, kinigikalambigitan sa minivan, trailer truck,10-wheeler truck ug pickup truck nga miresulta sa pagkaangol sa duha ka individual nga daling gidala sa Davao Regional Medical Center (DRMC), Tagum City, Davao del Norte.
Sa interbyu sa DXDC RMN Davao kang Police Captain John Glen Sablan, Office in Charge sa Mawab Municipal Police Station (MMPS), gibutyag niini ang hinungdan sa disgrasya mao ang pagkawala og kontrol sa driver tungod usab sa danlog nga dalan.
Pahimangno ni Sablan sa mga motorista nga motuman sa balaod trapiko ilabina sa speed limit aron malikayan ang unsa mang disgrasya ilabina sa mga pag-ulan.
“Sa highway po ng Mawab especially sa Barangay Tuboran is very accident-prone. So, advise ko lang, pagpasok po ng Mawab area, abide po tayo ng traffic rules, ‘yung 60 kilometers (per hour) po talaga na (speed) limit, hanggang matapos na po ‘yung sa Poblacion na area para wala pong mangyari, ma-minimize po natin ‘yung accident,” sulti ni Sablan.
Gipasabot usab sa Municipal Disaster Risk Reduction and Management Office (MDRRMO) Mawab, wala sila nagkulang pagbutang og road warning signages sa mga accident-prone areas sa kadalanan kauban ang Department of Public Works and Highways (DPWH).
RadyoMaN Kirby Manzon
