DCPO TEU: Safest speed ilabi na sa accident prone areas angay sundon

488

Davao City- Subling nanawagan ang Davao City Police Office Traffic Enforcement Unit (DCPO-TEU) sa pagtuman sa balaod trapiko aron malikayan ang disgrasya sa ting-ulan.

Sa interbyu sa DXDC RMN Davao kang Police Major Dexter Domingo, DCPO TEU chief, kinahanglan nga ipatuman sa mga drivers ang safest speed kun 30-40 kilometers ilabina sa mga accident prone areas sama sa Diversion Road.

Gipahimangnuan usab niini ang mga drivers nga dili magdrive kung nakainom (hubog) ug dili magpakusog pagpadagan. Sagad sa matalang disgrasya tungod sa driver’s error ug mawad-an og preno ang sakyanan.


Samtang gibutyag ni Domingo, arestado ang drayber sa water tanker human kini misulay og sibat sa nahitabong disgrasya kagahapong adlawa sa Matina Pangi, Davao City, pasado alas 10:00 sa buntag (November 25).

Sa report sa TEU, nawad-an og kontrol ang water tanker truck nga nisangpot sa karambola sa uban pang mga sakyanan diin duha ang natalang angol.

RadyoMaN Aimee Guinita



Facebook Comments