General Santos City—nakaplagang samdan ang usa ka babayeng gituohang dunay deperensya sa panghuna-huna sa national highway nga sakop sa Barangay Bawing ning syudad alas 6:00 pasado ang takna sa gabie kagahapong adlawa.
Nasayran nga nakaplagan ang nahisgutan sa mga residenti samtang naglakaw kini sa dalan nga nagkadugo mao nga sila mitawag ug pulis nga sakop sa Police Station 5. Daling gidala sa Dr. Jorge Royeca Hospital ang nasangpit aron nga matambalan ang samad niini sa iyang tiil nga bahin.
Ang nahisgutang babaye nakasul-ob ug Yellow nga long sleeve, orange nga short, mubo ang buhok ug tama-tama lang ang lawas. Wala pa masayran ang pangalan sa nahisgutan tungod dili kini maestorya ug tarong.
Dunay mga nagsulti nga taga Glan, Sarangani ang nahisgutang babaye. Sa karon nanawagan nalang ang pamunuan sa Dr. Jorge Royeca Hospital ngadto sa mga kabanay sa nasangpit nga mamahimo nila kining sutaon sa maong ospital.
