General Santos City—Dakpan sa operatiba sa kapulisan ang usa ka Jerald Sanchez Bulan, 19 years old, single, residente sa Habitat Phase A, Brgy Mabuhay, General Santos City, kansa nag-atubang ug kasong Frustrated murder.
Ala 1:00 ang takna sa hapon dihang gipahigayon ang operasyon sa may Purok Uhaw, Barangay Fatima, Gensan sa tropa sa CMFC-GSCPO, pinasikad sa warrant of arrest sa kaso niining Frustrated Murder nga may Criminal Case no. 20-32483 nga gi-issue niadtong petsa 2 sa Marso ning kasamtangang tuig kansa una nang gipagula ni Presiding Judge Jose Blanza Jr. sa 11th Judicial Region, RTC, Branch 22, General Santos City nga adunay pyansang girekomenda nga nagkantidad ug P72, 000.00.
Ang suspek kasamtangang balhog karon sa selda sa kapulisan ug commitment order nalang ang gipaabot aron nga mabalhin na kini sa Gensan City Reformatory Center.
