General Santos City—tingkagol sa silda sa Glan Municipal Police Station ang usa ka lalaking wanted sa kasong Homicide human nasikop sa gihimong manhunt Charlie sa operatiba sa Glan PNP.
Suspek nga dinakpan nailhang si Marlon Apolonio, legal age, residenti sa Prk. Medel, barangay Pangyan, Glan, Sarangani Province.
Alas 6:00 ang takna sa gabie niadtong nakalabayng adlaw dihang gisikop ang suspek didto mismo sa ilang panimalay pinasikad sa warrant of arrest sa kasong homicide nga dunay criminal case no. 4245-G nga may girekomendang Bail bond nga P40,000.00.
Buluntaryo nalang nga miuban ang suspek sa operatiba sa kapulisan human gipresentar kaniya ug sa iyang pamilya ang warrant of arrest sa kasong iyang giatubang.
Ang suspek sa kasamtangan balhog na sa silda sa Glan PNP ug Commitment Order nalang ang gihuwat aron nga mabalhin na kini sa Sarangani Provincial Jail apan mamahimo niining maangkon ang temporaryong kagawasan higayon nga siya makapyansa.
