General Santos City—Sikop sa Operatiba sa Police Station 5 ang usa ka Richard Salawague, 22, residenti sa Zone 1, Purok Saeg, Barangay Calumpang, Gensan kansa may kasong lugos.
Nasikop ang nasangpit didto mismo sa ilang panimalay pinasikad sa warrant of arrest sa kasong Rape nga may criminal case no. 18-298774 nga una nang gipagula ni Hon. Judge Jose Blanza Jr. sa RTC Branch 22, pinitsahan ug March 9, 2018.
Nasayran nga wala na mipalag pa ang suspek dihang gipresenstar kaniya ang warrant of arrest sa kasong iyang giatubang.
Sa karon ang nasangpit pabiling balhog sa silda sa Police Station 5 ug gihuwat nalang ang Commitment order aron nga mabalhin na ang nasangpit sa Gensan City Reformatory Center. Apan mamahimo niining maangkon ang temporaryong kagawasan higayon nga siya makapyansa ug P180,000,00.
