Gereneral Santos City—malampusong nasikop sa operatiba sa Polomolok Municipal Police Station , Norallah Municipal Police Station ug sa South Cotabato PNP Provincial Police Office ang usa ka 43 anyos nga lalaki nga may kasong lugos sa gihimong operasyon Norallah niadtong nakalabayng adlaw.
Ang suspek giilang si Crispin Dao, 43, laborer, minyo ug residenti sa Barangay Landan Polomolok, South Cotabato.
Subay sa tala sa Polomolok Municipal Police Station nga sila nakadawat ug impormasyon nga anaa sa Prk. Bliss, Barangay Poblacion, Norallah ang nahisgutang suspek.
Hapon niadtong nakalabayng adlaw nakig-alayon ang Polomolok PNP ngadto sa South Cotabato PNP Police Office ug Nurallah PNP alang sa ilang himuong operasyon nga miresulta sa pagkasikop sa nahisgutan pinasikad sa Warrant Of Arrest sa kasong Lugos nga iyang giatubang.
Wala na usab nakapalag ang suspek human nga gipakita ngadto kaniya ang warrant of arrest sa kasong lugos nga gipasang-at batok kaniya kansa una nang gipagula ni Hon. Judge Eddie Rojas sa RTC, 11th Judicial Region.
Ang suspek sa kasamtangan, balhog na sa silda sa Polomolok Municipal Police Station ug commitment order nalang gikan sa korte ang gihuwat aron nga mabalhin na ang nahisgutan sa South Cotabato Provincial Jail.
