General Santos City—Balhog na sa silda sa Malapatan PNP ang suspetsadong si Fermede Harid, 28, residenti sa Purok Proper, Barangay Libi, Malapatan, Sarangani Province human nga nasikop sa gihimong manhunt Charlie sa kapulisan alas 6:30 ang takna sa gabie sa nakalabayng adlaw.
Nasikop ang suspek didto mismo sa ilang panimalay pinasikad sa warrant of arrest sa kasong Murder nga may criminal case no. 00489-18 didto mismo sa ilang panimalay.
Wala na usab mipalag ang suspek dihang kini gisikop human nga gipresentar kaniya ang warrant of arrest sa kasong iyang giatubang.
Commitment order nalang usab ang gihuwat sa kapulisan aron nga mabalhin na ang suspek ngadto sa Sarangani Provincial jail.
Facebook Comments
