South Cotabato – tingkagol na sa silda ang usa ka lalaking dunay kasong murder human nasikop sa Kapulisan nga sakop sa Sto Nino, South Cotabato partikular na sa Purok Everlasting 2, Barangay San Isidro, niadtong nakalabayng adlaw.
Suspek giilang si Willy Celestial Asunar, alyas Bitoy, 49, mag-uuma ug residente sa nasangpit nga lugar.
Wala nakaporma ang suspek human nga gipresentar kaniya ang warrant of arrest sa kasong murder nga gipagula ni Honorable Judge Roberto L. Ayco, Presiding Judge sa RTC Branch 26, Surallah, South Cotabato.
Wala usay pyansa nga girekomenda ang korte sa kaso sa suspetsado. Sa kasamtangan commitment order nalang ang gihuwat aron nga mabalhin na sa South Cotabato Provincial Jail ang nahisgutang dinakpan.
Facebook Comments
