General Santos City–Gikabutyag karon ni Police Major Yul Hilado ang Deputy Chief Of Police sa Traffic Management Unit nga adunay sayop ang driver sa traysikad nga mibanga sa likod nga bahin sa prime mover sa nahitabong disgrasya alas 12:00 ang takna sa kaadlawon nga gikamatay sa duha ka mga sakay sa traysikad.
Basi matud pa sa imbistigasyon sa kapulisan nga anaa sa sakto nga lane ang prime mover nga gipamihuan sa usa ka Haver Yusop ug padulong unta kini sa Davao aron nga ihatod ang mga produkto nga karga sa iyang gimanihuang truck sa dihang kalit lang nga mibangga sa ulahing ligid sa nahisgutan ang sikad nga gimanihuan sa usa ka Diosdado Romeo Gran Jr. kansa dead on arrival sa balay tambalanan ingon man ang iyahang pasahero nga si Andy Bon Luyan nga parehong nakaangkon ug samad sa ilang ulo.
Dugang pa ni Police Major Hilado nga basi sa mga witness sa maong panghitabo nga ayha matud pa nabanga ang sikad sa truck naga-zigzag na matud pa ang agi niini.
Sa kasamtangan gina-areglo naman sa kompanya sa driver ug ang mga kabanay sa namatayan ang maong insidenti aron nga dili na sila mosangpot ngadto sa pag pasang-at ug kaso.
Subli man usab nga nagpahimangno si police Major Hilado sa mga motorista nga kanunay mag mainampingon sa pagmaniho sa ilang mga sakyanan ug dili na mo-suway ug gunit ug manebila kungh mnakainom aron nga malikay sa disgrasya.
Samtang gikabutyag man usab sa driver sa prime-mover nga wala gayud siya naka matikod nga duna na diay mibangga sa likod nga bahin ligid sa gimanihuan niining sakyanan hinungdang nga pipila pa ka metro ayha kini nakahunong human nga gi-ingnan kini sa usa ka driver sa motor sa nahitabo.
Gilayon man usab nga misurrender sa kapulisan ang nasangpit nga si Haver Yusop human sa maong panghitabo ug gihingusgan nga hinay lang ang dagan niini ug anaa kini sa iyahang linya.
Samtang nakig alayon naman usab ang kompanya nga gitgrabahuan niini sa mga namatyan aron nga matabangan sila nga mapahiluna ang mga patay nga lawas sa mga biktima.(Dave Silagan)
