General Santos City–Commitment Order nalang ang gipaabot sa Police Station 6 aron nga mabalhin na sa Gensan City reformatory Center ang suspetsadong dinakpan atol sa gihimong manhunt Charlie nga si Daniel Mamaso, hingkod ang pang-edaron nga taga Gensan.
Sumala ni Police Lt. Francisco Alfechie OIC Chief of Police sa Bula Police Station nga nasikop ang nasampit sa may National Highway, sakop sa barangay East Gensan.
Nadakpan ang nahisgutan gumikan na usab sa kasong Frustrated Murder nga giatubang niini. Gikaingong si Mamaso ang dugay nang gipangita sa kapulisan gumikan sa iyang kaso.
Dugang pagbutyag ni Police Lt. Alfeche nga nadakpan ang suspek nga si Mamaso human may nakasumbong sa ilang buhatan nga anaa sa national Highway sa barangay East ang nasampit.
Gumikan niini wala na nag-usik ug panahon ang kapulisan, gilayong girespondihan ang lugar.
Wala na usab mipalag ang suspek human nga gipresentar kaniya ang warrant of arrest sa kasong frustrated murder nga iyang giatubang.
