Kana ang baruganan karon ni Mayor Sebastian ‘Baste’ Duterte atol sa latest episode sa Basta Dabawenyo. Alang kaniya, walay katungod si Torre nga ireklamo o kasuhan siya tungod misulod lang kini sa syudad aron magtudlo-tudlo ug maghimo-himo og storya.
“Kung na-prove lang unta niya daan unya naay basis. Asa naman tong not worth responding to nimo sa sugod? Nganong nag-sige man gihapon ka og yawyaw hangtod karon? Wala man kay na-prove actually. Tanan nimo gipang-ingon kay pointless,” butyag ni Baste.
Gani nakita sa mayor karon nga gi-martial law ang Davao City tungod nag-inusara kini nga syudad nga gina-single out sa tibuok Pilipinas. Ug sa katapusan, gibarugan nga dili matawag nga professional ang usa ka pulis kung magpagamit sa personal interest.
RadyoMaN Ivy Parido
