Ang kalit nga panghitabo matud pa, walay klaro pamaagi ug dili balido tungod sa kakulangon sa rason ug ‘transparency’. Gani gipasigarbo ni Baste nga nanerbisyo isip maayong lider si Sec. Acosta ug adunay dakong tampo sa kalambuan sa Mindanao.
Gikasubo ug gikabalak-an sa mayor ang pamaagi karon sa kasamtangang administrasyon sa pagtanggal og mga opisyal sa pwesto tungod alang kaniya, kini nakadaot sa prinsipyo ug kaangayan sa pagtahod sa saktong proseso.
Kahinumdoman nga niadtong May 24, 2024, nagpa-press conference usab si Acosta ug gibarugan nga dili siya muhawa sa iyang pwesto isip chairperson bisan pa sa pagtangtang kaniya ni Pangulong Ferdinand Marcos, Jr. tungod alang kaniya, wala kini igong basehan ug dili makatarunganon.
Dugang pa nga wala matud pa siyay nadawat nga formal communication gikan sa Palasyo kalabot sa pagpatanggal kaniya sa pwesto.
Samtang gilayong mitubag ang Malacañang sa gipagula usab nga pamahayag nga ang pagtanggal kang Acosta, balido, epektibo ug legal sugod niadtong May 21, 2024 ug muhulip kaniya si Sec. Leo Tereso Magno.
Gipasabot usab nga gi-terminate sa presidente ang iyang termino tungod nawad-an na kini og salig ug ‘confidence’ sa iyang serbisyo.
RadyoMaN Ivy Parido
