Sa interview sa DXDC RMN Davao kang PLtCol. Jun Bautista, ang hepe sa Panabo City PNP, iyang gibutyag nga dili pa sila maka-speculate sa maong report tungod nagpadayon pa sab ang ilang pagpanubay. Apan iyang giklarong adunay miduol nga indibidwal sa ilang desk officer nga nagpatala sa maong reklamo.
Gani dugang ni Bautista, gitambagan matud pa sa iyang personahe ang reklamante nga kung adunay ebidensya, mamahimo silang mureklamo og mu-file og formal complaint.
“Nasabihan ako na lumapit yan sa aking desk officer. Actually, di pa kasi siya validated na report. Nag-inform naman kami talaga na kung may ebidensya sila, pwede sila magreklamo, formal complaint,” matud pa sa hepe.
Kini human sa nahipos nga impormasyon sa DXDC RMN Davao nga usa ka Department of Social Welfare and Development (DSWD) Officer ang mireklamo human giingong gibaharan ni Mayor Relampagos nga kung dili nila undangon ang pay-out sa mga ayuda, madisgrasya ug bitayon matud pa sila.
Samtang, abri sab ang sibyaanan sa DXDC alang sa pagpaminaw sa bahin ni Mayor Relampagos aron sa pagpaklaro sa maong mga alegasyon.
RadyoMaN Ivy Parido
