Davao City – Gianunsyo ni Davao City Mayor Sebastian Duterte atol sa iyang first media briefing nga mas istriktuhan niini ang implementasyon sa Liquor Ban sa dakbayan human sa shooting incident niadtong Sabado sa gawas sa usa ka bar diin usa ang patay.
Gikatakdang magpagula ang mayor og Executive Order sa pagpahugot pa sa Ordinance No. 004-30 series of 2013.
“I supposed kung istriktuhan gyod nato ang implementation sa liquor ban nato we can avoid these incidents from happening because when people is intoxicated with alcohol bad things can happen at any point in time,” matud niini.
Gimanduan niini ang kapulisan sa istriktong pagpatuman nga kinahanglan ala 1:00 sa kadlawon sirado na ang mga bars sa dakbayan.
Nagpasidaan kini sa tanang bar owners sa mga atubangong silot sa paglapas sa mga balaod diin mamahimong ma-revoke ang ilang business permit kung sagunson na ang matigayong offenses.
RadyoMaN Aimee Guinita
Facebook Comments
