ILOILO City – Liwat ginpahanumdom ni Mayor Jose Espinosa III ang mga barangay officials kag residente sang syudad nga likawan ang illegal nga droga.
Suno kay Espinosa supportive ang syudad sa kampanya ni president Rodrigo Duterte batok sa illegal nga droga.
Ginpahayag sang alkalde nga mabudlay na ang paggwa kun makasulod ka sa grupo sang mga nagabaligya sang illegal nga droga.
Ginsiling sang alkalde nga mabutang lamang sa katalagman ang kabuhi sang mga ara sa illegal nga droga.
Matandaan nga ginpatay sa isa ka resort sa banwa sang San Joaquin si punong barangay Remia Prevendido Gregori sang Bakhaw Mandurriao kag ginatudlo nga illegal nga droga ang motibo sang krimen.
Paandam ni Espinosa, mabudlay na mapalagyuhan ang kamot sang otoridad kun illegal ang ginahimo.
Photo via Iloilo City Government
