SYUDAD sang Iloilo – Nagpasalig si Mayor Jose Espinosa III nga nahibaluan niya kun ano ang limitasyon sa paggasto sang Quick Response Fund ukon QRF kasunod sang deklarasyon sang state of calamity.
Suno kay Espinosa indi sya maghimo sang tikang nga makasuhan bangud sa indi husto nga paggasto sang kwarta.
Paathag sang alkalde, ang CDRRMC ang nagtumod kun pila ang kinahanglanon nga budget kag kun pila lang ang pwede magasto sa pagdeliver sang tubig.
Ginpanginwala man sang alkalde ang alegasyon nga 125 milyones ang pondo nga iya ginapangayo para sa deklarasyon sang state of calamity.
Pahayag ni Espinosa nga sa P115 million nga local disaster risk reduction management fun, masobra lamang sa 34 milyon pesos ang QRF nga amo ang pwede makuhaan sang pondo matapos gindeklarar ang state of calamity.
Indi mahangpan sang akalde kun diin nagkuha sang figure ang mga uswag councilors nga nag boycott sa session sang konseho. // via Joel Franco reports
Photo from web
