Mayor Espinosa naga-apelar sa mga uswag councilors nga magtambong sa session agud mapahayag ang ila panindugan sa isyu sang deklarasyon sang state of calamity

SYUDAD sang Iloilo – Naga-apelar si Mayor Jose Espinosa III sa mga uswag councilors nga magtambong sa special session karon sa hapon.

Suno kay Espinosa handa sya nga magsunod sa gusto nga compromise sang mga konsehal.

Pasalig sang alkalde handa sya nga magtambong sa session kag ipaathag kun ngaa kinahanglan ang deklarasyon sang state of calamity.

Panawagan sang alkalde indi pagpolitikahan ang programa para sa mga pumuluyo sang syudad.

Nahibaluan nga ginpahayag ni Councilor Lovelove Baronda nga handa sila mag compromise sa alkalde para sa deklarasyon sang state of calamity.

Subong man maga-absent sila sa gihapon sa session sang konseho bangud nakafile na sila sang leave of absence.// via Joel Franco reports

Photo from web